Thursday, 9 October 2014

10 ways you are being unfaithful to your spouse — and you don't even know it

Being alert to ways spouses can be unfaithful to their mates is vital. These 10 behaviors can lead to the ultimate unfaithfulness. Learn them and be on guard.

3,008,076 views   |   44,006 shares
  • Having an affair is not even on your radar. Never gonna happen. You love your spouse and you'd never be unfaithful to her or him. However, you may be unaware of other ways you are being unfaithful. If these actions continue, you may find yourself on the slippery slope that leads to that never-intended affair and a sorrow you never wanted in your life.
    Unfaithfulness usually creeps in through the back door, disguising itself as harmless fun or innocent behavior. If you want your marriage to endure and be filled with happiness you may need to check this list to see if you have fallen prey to any of these unfaithful behaviors.
  • 1. Flirting

    Having a little playful fun at the office with a co-worker can't be too bad, you may rationalize. After all, flirting is fun. Avoid it like the plague. It's dangerous. If someone flirts with you, ignore it. What falls into the category of flirting? Here's oneexplanation of what flirting is. "[It] usually involves speaking and behaving in a way that suggests a mildly greater intimacy than the actual relationship between the parties would justify, though within the rules of social etiquette, which generally disapproves of a direct expression of sexual interest. This may be accomplished by communicating a sense of playfulness or irony... Body language can include flicking the hair, eye contact, brief touching, etc."
    Married people should never engage in this type of behavior with anyone other than their spouse. It is a full-on form of unfaithfulness that leads to no good. The one you're flirting with may take it as an invitation and pursue a relationship you never intended.
  • 2. Confiding in the opposite gender

    When you pour out your troubles to someone of the opposite gender you are putting yourself in a vulnerable position. It may seem harmless. After all, you just needed a shoulder to cry on. If you've got a problem, talk about it with your spouse. That's your best-ever shoulder to cry on. If that's not working for you, try a trusted relative, clergyman, or therapist. Not someone who may consider this an invitation for intimacy. Even if it doesn't start that way, too often it ends that way. It's a form of unfaithfulness.
  • 3. Spending time alone with someone else

    What appears to be an innocent lunch out with someone of the opposite sex or stopping by for a chat at that someone's home without your spouse is definitely in the category of unfaithful behavior. You or the other person may say, "Hey, we're both adults. Nothing's going to happen." Well, things do happen. It's not appropriate. Go home and spend that time with your spouse.
  • 4. Talking negatively about your mate

    When you are a true friend to someone you never say bad things about them to others. Your mate is your best friend and is the last person you should ever talk about negatively. If you have a beef with your honey, talk it out with him or her. Let your conversations with others focus on the good things about your spouse. That's being faithful. The exception here is abuse. If abuse is happening it needs to be reported to a trusted friend, counselor, and the police. You must keep yourself safe.
  • 5. Chatting on the Internet with someone of the opposite sex

    If you think this is harmless, think again. It may start out that way, but it definitely won't end that way. Some have engaged in what they considered innocent talk with a former boyfriend or girlfriend from high school or college days, or even a stranger. One thing can lead to another and before you know it, your marriage is in jeopardy. Don't do it. It will only end in sorrow and heartbreak for your family.
  • 6. Dressing to attract the attention of someone other than your spouse

    If you're dressing up to look good for someone else, you need to reexamine your motives. Trying to attract someone else by wearing a sexy looking outfit is one more way to jump into unfaithful waters.
  • 7. Writing personal intimate notes or letters to someone else

    If you're writing a letter of condolence or congratulations, or other good wishes, let it be from both you and your spouse. Then there will be no misunderstanding about your intentions.
  • 8. Not being a willing sexual partner with your spouse

    Being faithful to your spouse means giving yourself over to him or her to enjoy the intimate side of your marriage. To withhold sexual intimacy from your spouse if not doing your part in keeping your marriage strong and fulfilling. It creates sorrow and even suspicion. Being a faithful spouse means doing your part to make it a beautiful relationship in all aspects.
  • 9. Putting your parents before your spouse

    Your spouse must always be the number one person in your life. If something wonderful happens to you, like a promotion, a confirmation of a pregnancy, or any other good news, you may be tempted to immediately call a parent to share in the joy. Resist. Let your spouse be the first to know your good news. Then share it with others.
  • 10. Putting your children before your spouse

    Kids matter. They are very important people in your life, but not more important than your spouse. If you knock your spouse off the top of your priority list you are not showing total fidelity to him or her. Your mate must come first. Not only does it cement your marriage and make it stronger, it gives your children the best security blanket they will ever have.
    Check yourself on these points and make sure you are being 100 percent faithful to your spouse. By doing this you will create a genuinely happy and fulfilling marriage.

இந்தியாவைத் தூய்மைப்படுத்துவது எப்படி?

புதுடெல்லியில் இருக்கும் துப்புரவுப் பணியாளரின் காலனி யான வால்மீகி பஸ்தியிலிருந்து இந்தத் திட்டத்தை மோடி தொடங்கியிருக்கிறார். டெல்லி வரும்போதெல்லாம் காந்தி அதிகம் தங்கிய இடங்களுள் ஒன்றுதான் வால்மீகி பஸ்தி. அங்கிருந்து தூய்மைப்படுத்தும் பணியைத் தொடங்குவதன் மூலம், நாட்டுக்கு அரசு சொல்லும் செய்தி என்ன? நாம் நம்முடைய தூய்மைப் பணியைச் சேரிகளிலிருந்து தொடங்க வேண்டும் என்பதா?
மொத்தம் 2 லட்சம் கோடி ரூபாய் திட்ட அளவில் 2019 வரை, அதாவது காந்தியின் 150-ம் ஆண்டுவரை, ‘தூய்மையான இந்தியா’ திட்டம் செயல்படுத்தப்படவிருக்கிறது. இந்தத் திட்டத்தைத் தொடங்கிவைத்து, “பொதுஇடங்களைச் சுத்தம் செய்வதற்கு அனைவரும் வாரத்தில் 2 மணி நேரம் ஒதுக்க வேண்டும்” என்று வேண்டுகோள் விடுத்திருக்கிறார் மோடி. நல்ல விஷயம்தான். ஆனால், இங்கே ஒரு நுட்பமான அரசியலை நாம் கவனிக்க வேண்டியிருக்கிறது: எதுவெல்லாம் குப்பை?
தூய்மை, சுகாதாரம் போன்ற கருத்தாக்கங்கள் அதிகமாகப் பரவியிராத, கல்வியறிவு குறைவாகக் காணப்பட்ட காந்தியின் காலகட்டத்தோடு தொழில் வளர்ச்சியில் முன்னேறிய நம்முடைய காலகட்டத்தை ஒப்பிட்டுப் பார்த்தால், ஒரு விஷயம் நமக்குத் தெளி வாகத் தெரியும்: குப்பைகள், கழிவுகள் என்பது இன்றைய தேதியில் வெறும் சாலையோரக் குப்பைகளும் சாக்கடைகளும் மட்டுமே அல்ல.
இந்தியா முழுவதும் ரசாயனப் புகையாலும், அபாயகரமான கழிவுகளாலும் நிரம்பி வழிகிறது. ஆற்று நீர், குளத்து நீர், நிலத்தடி நீரெல்லாம் வற்றிப்போனாலும் தொழிற்சாலைகளால் வெளியேற்றப்படும் கழிவுநீரும், சாக்கடைகளும் வற்றாத ஜீவநதிகளாக ஓடுகின்றன. சுற்றுச்சூழல் விதிமுறைகள் எதையும் பொருட்படுத்தாமல் இயற்கை வளங்களைச் சுரண்டியது மட்டுமல்லாமல், இந்தியாவை ரசாயனப் புகையாலும் குப்பைகளாலும் கழிவுகளாலும் குளிப்பாட்டியது யார்? நம்முடைய ஆளும் வர்க்கம் கைகட்டிப் பார்த்திருக்க, பகாசுரத் தொழில் வளர்ச்சியின் குப்பைத் தொட்டியாக இந்தியா ஆக்கப்பட்டதுதானே காரணம்?
சேரிப் பகுதிகளிலிருந்து தூய்மைப் பணியைத் தொடங்குவது ஒரு பாசாங்கு. ஒரு நகரத்தையே தூய்மைப்படுத்தும் பணியாளர்கள் வாழும் இடத்தை நாம் சுத்தப்படுத்தி, ஒரு தூய்மை இயக்கத்தைத் தொடங்குவது என்பது குரூரமான நகைமுரண் அல்லவா?
குஜராத், அலாங்கில் கப்பல் உடைக்கும் தொழில் நடத்துகிறோம் என்று ஒரு கடற்கரையையே ஆசியாவின் நச்சுச் சாக்கடையாக மாற்றியிருக்கிறோமே, நாம் தூய்மைப் பணியைத் தொடங்க வேண்டிய இடம் அலாங்கா, வால்மீகி பஸ்தியா? பிரதமர் அவர்களே, உண்மையில் நாம் தூய்மை இயக்கத்தை ஆரம்பிக்க வேண்டிய இடம் தூய்மைப் பணியாளர்களின் குடியிருப்புப் பகுதி அல்ல, பெருநிறுவனங்களின் தொழிற்சாலைகள், கனிமச் சுரங்கங்கள், பெருநகரங்களின் வணிக மையங்கள் போன்றவைதான். உங்கள் அரசின் சுற்றுச்சூழல் அமைச்சகத்தை உயிர்ப்போடு செயல்பட அனுமதியுங்கள். அதுதான் உங்கள் கையில் இருக்கும் மகத்தான தூய்மை இயக்கம்!

கடுமையான சட்டத் திருத்தங்களுடன் வருகிறதா மோட்டார் வாகனங்கள் புதிய சட்டம்


கடுமையான சட்ட விதிகளைக் கொண்டதாக வரைவு மோட்டார் வாகனச் சட்டம் உருவாக்கப்பட்டுள்ளது. வரும் நாடாளுமன்ற கூட்டத் தொடரில் இதற்கான மசோதா தாக்கல் செய்யப்படவுள்ளது.
நம் நாட்டில் கடந்த 2013-ல் மட்டும் மொத்தம் 4,86,476 சாலை விபத்துகள் நடந்துள்ளன. இதில், 4,94,893 பேர் காயமடைந்துள்ளனர். மொத்தம் 1,37,572 பேர் இறந்துள்ளனர். குறிப்பாக உத்தரப்பிரதேசம் (16,004), தமிழ்நாடு (15,563), ஆந்திரம் (14,171), மகாராஷ்டிரம் (13,029), கர்நாடகம் (10,046) உட்பட மொத்தம் 13 மாநிலங்களில் பலியானோர் எண்ணிக்கை அதிகமாக உள்ளது.
சாலை விபத்துகளை குறைக்க அரசு பல்வேறு நடவடிக்கைகளை மேற்கொண்டு வருகிறது. இதுதவிர, நெடுஞ்சாலைகளின் தரம் உயர்த்தப்பட்டும் வருகிறது. ஆனால், சாலை விபத்துகள் பெரிய அளவில் குறையவில்லை. எனவே, மோட்டார் வாகன சட்டத்தை திருத்த முடிவு செய்யப்பட்டது.
அதற்காக புதிய கமிட்டி உருவாக்கப்பட்டுள்ளது. அமெரிக்கா, கனடா, சிங்கப்பூர், ஜப்பான், ஜெர்மனி, இங்கிலாந்து உள்ளிட்ட நாடுகளில் இருக்கும் நடைமுறைகளை பின்பற்றும் வகையில், பல முக்கிய அம்சங்களைக் கொண்ட வரைவு சட்டத் திருத்தம் உருவாக்கப்பட்டுள்ளது.
இந்திய மோட்டார் வாகனச் சட்டம் 1988 விதிகளில் தற்போதுள்ள நிலவரப்படி, ஹெல்மெட் அணியாமல் சென்றால் ரூ.100, ஓட்டுநர் உரிமம் இன்றி ஓட்டி சென்றால் ரூ.500, இன்சூரன்ஸ் இன்றி ஓட்டினால் ரூ.1000, காரில் சீட் பெல்ட் அணியாவிட்டால் ரூ.100, செல்போன் பேசியபடி வாகனம் ஓட்டிச் சென்றால் ரூ.100 முதல் ரூ.1,100 வரை, மது அருந்திவிட்டு வாகனம் ஓட்டினால் ரூ.2,500 ரூ.3,000 வரை (நீதிமன்றம் உத்தரவுப்படி) என அபராதம் வசூலிக்கப்பட்டு வருகிறது.
இந்நிலையில், புதியதாக வரவுள்ள மோட்டார் வாகன சட்டத்திருத்தத்தில் இந்த அபராதத் தொகை பல மடங்கு உயர்த்தப்பட்டுள்ளதாக தகவல்கள் வெளியாகியுள்ளன. குறிப்பாக, ஹெல்மெட் இல்லாமல் வாகனம் ஒட்டினால் ரூ.500, இன்சூரன்ஸ் இன்றி ஓட்டினால் ரூ.10,000, ஓட்டுநர் உரிமம் இன்றி ஓட்டினால் ரூ.10,000, செல்போன் பேசிக் கொண்டே ஓட்டினால் ரூ5,000, மேலும் தொடர்ந்து 3 முறை சிக்கினால் ஓட்டுநர் உரிமத்தை ரத்து செய்யப்படும் என்று கூறப்படுகிறது.
இது தொடர்பாக போக்குவரத்து துறையின் ஆணையரக அதிகாரிகளிடம் கேட்டபோது, ‘‘மோட்டார் வாகன புதிய சட்டம் தொடர்பான அறிக்கை இன்னமும் இறுதி செய்யப்படவில்லை. வரும் நாடாளுமன்ற கூட்டத் தொடரில் இந்த சட்டத்தின் வரைவு மசோதா அறிமுகம் செய்யப்படவுள்ளது. இதன் பின்னர், பொதுமக்களிடம் கருத்து கேட்கப்பட்டு, குடியரசுத் தலைவரின் ஒப்புதல் பெற்ற பிறகே இறுதி செய்யப்படும். அதுவரையில் அச்சட்டம் தொடர்பாக எந்த முழுமையான அறிவிப்பையும் சொல்ல முடியாது” என்றனர்.
ஓய்வுபெற்ற போக்குவரத்து ஆணையரக அதிகாரி ஒருவரிடம் கேட்டபோது, ‘‘புதிய மோட்டார் வாகன சட்ட திருத்தத்தின்படி வாகனப் பதிவு, வாகனச் சோதனை, தகுதிச்சான்று வழங்குதல் உள்ளிட்ட பணிகள் தனியாரிடம் ஒப்படைக்கப்படும் என்று தெரிகிறது. இதனால், மாநில அரசுக்கு வருவாய் இழப்பு ஏற்படும். மேலும், மாநில அரசுக்கு உள்ள அதிகாரம் பறிக்கப்படும் சூழல் ஏற்படும்” என்றார்.

நீதிபதி குன்ஹா தீர்ப்பு: 10 முக்கியக் குறிப்புகள்!

ஜெயலலிதா வழக்கில் பெங்களூர் தனி நீதிமன்ற நீதிபதி மைக்கேல் டி குன்ஹா அளித்த 1,232 பக்க முழு தீர்ப்பையும் பெற்றுள்ள ‘தி இந்து’, அதன் முக்கியமான 10 அம்சங்களை இங்கே சுருக்கி அளிக்கிறது.
1. பூதமாக வளர்ந்த சொத்துகள்!
ஜெயலலிதா தனது முதல்வர் பதவிக்காலத்தை (1991-1996) தொடங்கும்போது அவரது சொத்து மதிப்பு ரூ. 2.18 கோடி. இதில் அவர் பங்குதாரராக இருந்த ஜெயா பப்ளிகேஷன்ஸ், சசி என்டர்பிரைசஸ் சொத்துகளும் அடங்கும். பதவிக்காலத்தில் அவருடைய சட்டப்பூர்வமான வருமானம் ரூ.9.91 கோடி. ஆனால், பதவிக்காலத்தின் முடிவில் அவருடைய சொத்து மதிப்பு ரூ.53. 60 கோடி. இந்த மதிப்பு 1991-96-ல் இந்த வழக்கின் எதிரிகள் என்ன விலைக்கு வாங்கினார்களோ அந்த மதிப்புக்குத்தான் கணக்கிடப்பட்டுள்ளது.
2. கணக்கு காட்ட முடியவில்லை!
முதல்வராகப் பதவியேற்ற முதல் 27 மாதங்களில் மாதம் வெறும் ஒரு ரூபாய் மட்டும் அடையாள வருமானமாக ஜெயலலிதா பெற்றிருக்கிறார். நடிகை என்ற வகையில் அவர் சொத்து சேர்த்திருக்க முடியும் என்றாலும், அவர் பெயரிலான சொத்துகளுக்கு விளக்கம் தர அது போதுமானதாக இல்லை. அவருடன் சேர்த்து குற்றஞ்சாட்டப்பட்ட இதர 3 எதிரிகளும் எந்த வேலைக்கும் செல்லவில்லை, அவர்களுக்கென்று ஊதியமும் இல்லை.
3. நம்ப முடியவில்லை மூவரின் நடவடிக்கைகள்!
சொத்துகளை வாங்குவதற்கான பணம் ஏனைய மூன்று பேரிடமிருந்துதான் வந்தது, ஜெயலலிதாவுக்கு அதைப் பற்றி எதுவும் தெரியாது என்று ஜெயலலிதா தரப்பில் வாதாடப்பட்டது. முதலமைச்சராக இருக்கும் ஜெயலலிதாவுக்குத் தனது வீட்டிலேயே வசிக்கும் மூன்று பேருடைய நடவடிக்கைகள் தெரியாது என்பதை நம்ப முடியவில்லை. அந்த மூன்று பேருக்கும் வருமானம் ஏதும் கிடையாது என்னும்போது அது ஜெயலலிதாவுடைய பணம்தான் என்ற முடிவுக்கு வர வேண்டியிருக்கிறது.
4. மூன்று பேரின் பங்கு!
சுதாகரனும் இளவரசியும் 1991 முதல் 1996 வரையில் ஆறு நிறுவனங்களில் இயக்குநர்களாகச் சேர்ந்துள்ளனர். 1991 முதலே இந்த நிறுவனங்கள் இருந்தாலும் எதிரிகள் இதில் சேர்ந்த பிறகுதான் வங்கிக் கணக்குகள் தொடங்கப்பட்டன. இதே காலத்தில் ஏற்பட்ட 18 நிறுவனங்களில் குறிப்பிடத் தக்க வரவு-செலவு நடவடிக்கைகள் ஏதும் நடைபெறவில்லை. ஆனால், பெரிய அளவில் நிலங்கள் வாங்கப்பட்டுள்ளன. அதற்கான பணம் ஜெயா பப்ளிகேஷன்ஸ் என்ற நிறுவனத்திலிருந்து தரப்பட்டிருக்கிறது.
5. பணம் அள்ளிவிடப்பட்ட ஆடம்பரத் திருமணம்!
திருமணத்துக்கு முன்னதாக சுதாகரனை வளர்ப்பு மகன் என்று ஜெயலலிதாவே அறிவித்திருக்கிறார். திருமணத்துக்காகப் பந்தல் அமைத்தது முதல் திருமணச் சடங்குகளை நடத்தியது, திருமணத்துக்கான பொருட்களை வாங்கியது என்று எல்லாவற்றுக்கும் ஜெயலலிதாதான் செலவிட்டிருக்கிறார். பெண்ணின் தகப்பனார் 14 லட்ச ரூபாய் செலவு செய்திருக்கிறார். திருமணத்துக்கு நான் செலவிடவில்லை என்று ஜெயலலிதா கூறியிருந்தாலும், 1996-97-ம் ஆண்டுக்கான வருமான வரிக் கணக்கில் திருமணத்துக்காக ரூ.29.92 லட்சம் செலவிட்டதாகக் கணக்கு காட்டியிருக்கிறார். எல்லா மூல ஆவணங்களும் ரசீதுகளும் காசோலைகளும் ஜெயலலிதாவின் தணிக்கையாளரிடமிருந்து பறிமுதல் செய்யப்பட்டுள்ளன. இவற்றிலிருந்தே முழுச் செலவையும் அவர்தான் செய்திருக்கிறார் என்பது நிரூபணமாகிறது. திருமணத்துக்கு அழைக்கப்பட்டவர்கள் எண்ணிக்கை, விருந்து சாப்பிட்டவர்களின் எண்ணிக்கையைப் பார்த்தால், திருமணச் செலவு ரூ.6.45 கோடியைக்கூடத் தாண்டியிருக்கும் என்றாலும், ஜெயலலிதாவின் பங்குக்குச் செய்யப்பட்ட செலவு எப்படியும் ரூ.3 கோடி இருக்கும்.
6. செருப்பு, புடவைகள் கணக்கு என்ன?
ஜெயலலிதாவின் வீட்டில் 386 ஜோடி செருப்புகள், 914 பட்டுப்புடவைகள், 6,195 இதர புடவைகள், 2,140 பழைய புடவைகள், இதர ஆடைகள் ஆகியவை தொடர்பாக ஊழல் தடுப்பு இயக்குநரகம் அளித்த கணக்கு தள்ளுபடிசெய்யப்படுகிறது. இவையெல்லாம் ஜெயலலிதா முதல்வராக இருந்தபோதுதான் வாங்கினார் என்பதற்கு ஆதாரங்கள் இல்லை. அதேவேளையில், மொத்தமிருந்த 27.588 கிலோ தங்க நகைகளில் சுமார் 20 கிலோ வருவாய்க்குப் பொருந்தாதவை.
7. கருணைக்கு வழி இல்லை!
இந்த வழக்கு அரசியல் எதிரிகளால் புனையப்பட்டது என்றும் 18 ஆண்டுகள் கடந்துவிட்டது என்றும் இந்தக் காலகட்டத்தில் மன உளைச்சலும் வேதனையும் அடைந்திருப்பதாக குற்றஞ்சாட்டப்பட்டவர்கள் தெரிவித்துள்ளனர். இந்த வழக்கு தொடரப்பட்ட பிறகு, ஜெயலலிதா 11 ஆண்டுகளாக முதலமைச்சராக இருந்துவருவதாகவும் இப்போது அவர் மீது எந்தக் குற்றச்சாட்டும் இல்லையென்றும் வாதிட்டுள்ளனர். மேலும், உடல்நலக்குறைவு காரணமாகக் கருணை காட்டுமாறும் கோரியுள்ளனர். இந்தக் காரணங்கள் எதுவும் கருணை காட்டுவதற்கு ஏற்றவை அல்ல. இந்த வழக்கு 18 ஆண்டுகளாகத் தாமதமானதற்கு யார் காரணம் என்று இப்போது ஆராய வேண்டியதில்லை. நீதியைக் குழிதோண்டிப் புதைக்க முயற்சி நடப்பதாகக் குற்றச்சாட்டு எழுந்ததால்தான், வழக்கு விசாரணை பெங்களூருக்கு மாற்றப்பட்டது. 5 ஆண்டுகளுக்கு வழக்குக்குத் தடை இருந்ததிலும் சந்தேகம் இல்லை. ஆனால், அதன் பிறகும் குற்றவாளிகள் சட்ட நடைமுறைகளைத் தங்களுக்குச் சாதகமாகப் பயன்படுத்தி, கணிசமான நேரத்தை வீணடித்தனர். குற்றச்சாட்டு பதிவுசெய்யப்பட்ட நேரத்தையும் வாக்குமூலம் பதிவு செய்யப்பட்ட நேரத்தையும் தவிர, பிற நாட்களில் குற்றவாளிகள் ஆஜராகவில்லை. எனவே, வழக்கு நிலுவையில் இருந்ததால் தாங்கள் மனவேதனை அடைந்ததாக அவர்கள் கூறுவதை ஏற்க முடியாது.
8. கனிவுக்கு வழியில்லை!
ஊழல் செய்த அரசு ஊழியருக்கு ஓராண்டுக்குக் குறையாமலும், 7 ஆண்டுகளுக்கு மிகாமலும் சிறைத் தண்டனையும் அபராதமும் விதிக்க ஊழல் தடுப்புச் சட்டத்தின் 13(2)வது பிரிவு வகை செய்கிறது. அதைப் பயன்படுத்த வேண்டியுள்ளது. மிக உயர்ந்த பதவியில் இருந்துகொண்டு ஜெயலலிதா இந்தச் செயலில் ஈடுபட்டதுதான் குற்றத்தின் தன்மையை அதிகரிக்கிறது. ‘மன்னன் எவ்வழி, மக்கள் அவ்வழி’ என்று பழமொழியுள்ளது. உயர் பதவியில் இருப்பவர்களின் தவறுகள் மீது கனிவோ இரக்கமோ காட்டினால், அது ஒட்டுமொத்த சமூக வாழ்க்கைக்கும் கேடாக முடியும் என்று கர்நாடக உயர் நீதிமன்றம் ஒரு வழக்கில் தீர்ப்பளித்திருக்கிறது. எனவே, இந்த வழக்கில் கனிவுக்கோ அனுதாபத்துக்கோ இடமில்லை.
9. தண்டனையின் அளவுகோல்!
குற்றத்தின் தீவிரம், சொத்துகளின் மதிப்பு, அவை பெறப்பட்ட முறை ஆகியவற்றின் அடிப்படையில்தான் தண்டனையைத் தீர்மானிக்க முடியும். அப்படிப் பார்க்கும்போது, இது கடுமையான தண்டனைக்குரியது. சட்டம் வழங்கியுள்ள அதிகபட்ச தண்டனையில் (7 ஆண்டுகள்) பாதிக்குமேல் விதித்தால்தான் நீதி நிலைநாட்டப்படும் என்பதால், நான்கு ஆண்டுகள் விதிக்கப்படுகிறது.
10. ஊழலை எப்படி அளவிடுவது?
ஊழலை அளவின் அடிப்படையில் தீர்மானிக்கக் கூடாது. ஊழல்தான் ஒழுங்கீனத்தின் தாய். அது சமூக முன்னேற்றத்தை அழிக்கிறது, தகுதியற்ற ஆசைகளை வளர்க்கிறது, மனசாட்சியைக் கொல்கிறது, மனித நாகரிகத்தையே குலைக்கிறது!
தொகுப்பு- ஜூரி

அன்புள்ள யேசுதாஸ், உங்களுக்கு ஒரு கடிதம்!

பாடகர் யேசுதாஸ்|கோப்புப் படம்.
பாடகர் யேசுதாஸ்|கோப்புப் படம்.
அன்புள்ள யேசுதாஸ், ‘அணியும் ஆடையினால் மற்றவர்களுக்குத் தொல்லை தரக் கூடாது’ என்று சொல்லியிருக்கிறீர்கள். மறைத்தே வைத்துக்கொள்கிறோம் யேசுதாஸ், கவலைப்படாதீர்கள். இந்தப் பாவப்பட்ட பெண்கள் திசைமாறிப் போகிறார்களே என்று துயருறாதீர்கள். உங்கள் குரல் எங்கள் தந்தைமார்களின் குரல்போல், எங்கள் அண்ணன்மார்களின் குரல்போல் இதயத்துக்கு வெகு அணுக்கமாகவே இருக்கிறது. அதனால் உங்கள் குரலில் ஒலிக்கும் துயரத்தை எங்களால் புறக்கணிக்க முடியாது. கடந்தும் போக முடியாது. அப்படியெல்லாம் போகக் கூடியவர்களா நாங்கள்?
2004 ஆகஸ்ட். யு.எஸ். ஓப்பன் டென்னிஸ் போட்டியில் நான்காவது சுற்றுக்குள் சென்ற முதல் இந்தியப் பெண் என்று டென்னிஸ் உலகம் சானியா மிர்ஸாவைக் கொண்டாடி மகிழ்ந்து கொண்டிருந்தது. அப்போது அந்தப் பெண் ணுக்கு வயது வெறும் பதினெட்டுதான்.டென்னிஸில் இந்தியாவின் பெயரை உலக அளவில் உயரவைப்பாள் என்று வெளிநாட்டுப் பத்திரிகைகள் ஆருடம் கூறிக்கொண்டிருந்தபோது, எங்கள் தந்தைமார்களாகிய நீங்கள் இந்தியாவில் என்ன சொல்லிக்கொண்டிருந்தீர்கள் தெரியுமா?
“சானியா மிர்ஸா ஆறு இஞ்ச் குட்டைப் பாவாடை போட்டுக்கொண்டு டென்னிஸ் விளையாடுகிறாள். அந்தக் குட்டைப் பாவாடையுடனே பத்திரிகையா ளர்களைச் சந்திக்கிறாள். ஓர் இஸ்லாமியப் பெண், பேருக்குக்கூடத் தலையில் ஒரு துணியைப் போடுவதில்லை” என்று சொல்லிக்கொண் டிருந்தீர்கள். யு.எஸ். ஓப்பன் டென்னிஸில் நான்காம் சுற்றில் நுழைந்ததற்கான பரிசாக, ஃபத்வாவை வாங்கிக்கொண்டு விழித்து நின்றாள் அந்தப் பெண். அவள் பெற்ற வெற்றியின் பரவசம் அவளுடைய குட்டைப் பாவாடைக்குள் புதைந்துபோன உண்மையை நாங்கள் எவ்வளவு சாமர்த்தியமாக மறைத்துக்கொண்டோம்?
அரைகுறை ஆடைதான் காரணமா?
நம் தலைநகரம் டெல்லியில் ஒரு மருத்துவ மாணவி, ஆறு பேர் (ஆண்களேதான் சார்!) கொண்ட கும்பலால் பாலியல் வல்லுறவுக்கு ஆளாக்கப் பட்டு, மிகக் கொடுமையான வதைகளையும் பேச்சுகளையும் சந்தித்த பின் மரணத்தைத் தழுவினாள். உயிர் வதையை அவள் எதிர் கொண்டு, துடித்துக்கொண்டிருந்தபோது எங்கள் சகோதரர்மார்களாகிய நீங்கள் என்ன சொல்லிக் கொண்டிருந்தீர்கள் தெரியுமா? “நள்ளிரவில் அரைகுறை ஆடையுடன் ஆண் நண்பருடன் அந்தப் பெண் ஏன் தனியாகச் சென்றாள்? அவளுக்குக் கிடைத்த இந்தத் தண்டனைக்கு முழுக்க முழுக்க அந்தப் பெண்ணின் அரைகுறை ஆடை மட்டும்தான் காரணம்” என்று சொல்லிக்கொண்டிருந்தீர்கள்.
வெட்கமேயில்லாமல் உள்மனசில் ஒரு கேள்வி வந்தது: “அப்படியென்றால், திரௌபதியை எதற்குத் துகிலுரித்தார்கள்? அவள் நிச்சயம் இன்றைய நவீனப் பெண்ணைப் போல நாகரிக உடை அணிந்திருக்க மாட்டாள். இந்தியப் பண் பாட்டின் அத்தனை கூறுகளையும் ஒருங்கே பெற்ற வளாகவே இருந்திருப்பாள். அண்ணன், தம்பிகள் சூதாட்டத்தில் அவளைப் பகடையாக உருட்டி னார்களே ஏன்?”
பிரச்சினை என்றால் ஆடையை உரிப்பதும், ஆடையைக் காரணம் காட்டுவதும் உங்களுக்கு இரண்டாயிரம் ஆண்டு கால வழக்கம் என்பதைப் புரிந்துகொண்ட நாங்கள், எப்போதாவது உங் களுக்குத் தொல்லை தந்திருக்கிறோமா? மூன்று வயதுப் பெண் குழந்தை பலாத்காரம் செய்யப் பட்டாலும், தவறு எங்கள் பக்கம்தான் இருக்கும் என்று நாங்கள் பழகிவைத்திருக்கிறோம். எல்லாத் தவறுகளுக்கும் தலை வணங்கி ஆமென்தானே சொல்லியிருக்கிறோம்?
ஆண்களின் ஜீன்ஸ்
எளிமையையும் அன்பையும் பெண்களின் உயர்ந்த குணங்களாகக் கொண்ட இந்திய கலாச் சாரத்துக்கு ஜீன்ஸ் போன்ற உடைகள் எதிரானது என்கிறீர்கள். நிச்சயமாக, சந்தேகமேயில்லாமல் உங்களின் கூற்றை ஏற்றுக்கொள்கிறோம். இன்று இளைய தலைமுறை ஆண்கள் துவங்கி, முதுமையைத் தொடும் ஆண்கள் வரை எல்லோருமே ஜீன்ஸ் உள்ளிட்ட நவீன ஆடை களைத்தான் அணிகிறார்கள். பெண்களின் ஆடை வடிவமைப்பாளர்கள் கொஞ்சம் ரசனைக்காரர்கள், அவர்களின் அழகைக் கூட்டிக் காண்பித்துவிடும்படி ஆடைகளை வடிவமைத்துவிடுகிறார்கள். ஆண் களுக்கு ஆடை வடிவமைக்கும் ஆண்கள் அவ்வளவு ரசனை குறைவானவர்களோ என நாங்கள் ஐயப்படுகிறோம். இடுப்பு பெருத்த ஆண்களுக்கு இந்த ஜீன்ஸ் பேன்ட் அடிவயிற்றைத் தாண்டி இடுப்புக்கு ஏறவே மாட்டேன் என்கிறது. சட்டைகளையும் குட்டையாக்கிவிட்டார்கள். பேருந்தில் முன் சீட்டில் உட்கார்ந்திருக்கும் ஆண் களின் பேன்ட் உள்ளாடையைத் தாண்டி கீழே இறங்கி, அவர்கள் போட்டிருக்கும் உள்ளாடைக்கு இலவச விளம்பரம் செய்துகொண்டிருப்பதைத் தினம்தினம் பார்க்கிறோம். அரைக் கால்சட்டை களுடன் மேலாடை இல்லாமல் சுற்றும் இளைஞர் களை நாங்கள் பார்க்கிறோம்.
இவையெல்லாம் உங்கள் உரிமை. எங்கள் எல்லைகளை நாங்கள் உணர்ந்திருக்கிறோம். இன்னும் எங்களைச் சந்தேகிக்கலாமா நீங்கள்?
எங்கள் சுதந்திரம் உங்கள் கையில்…
நாங்கள் இன்னும் எங்கள் தாத்தன்மார்களை, தந்தைமார்களை, கணவன்மார்களை, பெற் றெடுத்த பிள்ளைமார்களை நம்பித்தான் வாழ்க்கை நடத்து கிறோம். எங்களுக்கு வேண்டிய, வேண்டி யிராத எல்லா ஆண்களையும் கணக்கில் கொண்டே நாங்கள் நடந்துகொள்கிறோம். அனைவரின் தணிக்கைக்கும் நாங்கள் எங்களை உட்படுத்திக்கொண்டே இருக்கிறோம். எங்கள் சுதந்திரம் என்பது உங்களின் கை பிடித்து, உங்களுக்குப் பின்னால் ஓரடி இடைவெளி விட்டு நடந்துவருவதே என்பது எங்களுக்கு நன்றாகவே தெரியும்.
எங்கள் ஆடைகளை உரித்துத்தான் நீங்கள் எல்லோரும் ஆண் பிள்ளைகள் என்ற கவுரவ ஆடையுடன், மீசையை முறுக்கிக்கொண்டு எகத்தாளமாக உலா வருகிறீர்கள் என்ற ரகசியம் அறிந்தவர்கள் நாங்கள். எங்கள் பிரியத்துக்குரிய ஆண்களை நிர்வாண மாக்கிவிட்டு நாங்கள் எப்படி வெளியேறுவோம் திரு.யேசுதாஸ் அவர்களே?
- அ. வெண்ணிலா, எழுத்தாளர், ஆசிரியர்,

நாசமாப்போன டாஸ்மாக்

படம்: க.ஸ்ரீபரத்.
படம்: க.ஸ்ரீபரத்.
சென்னை சிந்தாதிரிப்பேட்டை கூவம் கரை குடிசைவாசிகள் யாரைக் கேட்டாலும் தாஸின் வீட்டைக் கைகாட்டுவார்கள்.
“யாரு? குடிச்சிக் குடிச்சே செத்துப்போச்சே அது வீடா?”
வாசலில் மண்ணெண்ணெய் பம்ப் ஸ்டவ்வில் சமைத்துக் கொண்டிருந்தார் புஷ்பா, தாஸின் மனைவி.
“வாங்க சார்! உட்காருங்க” என்று காலி குண்டான் ஒன்றைக் கவிழ்த்து இருக்கையாக வைத்தார். வீட்டுக்குள் எட்டிப் பார்த்தேன். அதை வீடு என்று சொல்ல முடியாது. நான்கு புறமும் கையை நீட்டினால் சுவர் இடிக்கும். மேலே லேசாகத் தலையும் தட்டக்கூடும்.
என் பார்வையைப் புரிந்துகொண்டவர், “என்ன சார் பண்றது? வாசல்ல படுக்கலாம்னா காவா தண்ணி நிக்குது. சின்னவளை என் மார்ல போட்டுக்கிட்டு நாலு பேரும் நெருக்கியடிச்சுப் படுத்துக்குறோம்” என்றவர், கண் கலங்கியவராய், “அது மட்டும் ஒழுங்கா இருந்திருந்துச்சுன்னா, இப்பிடி நாதியில்லாம நிப்போமா? குடிச்சுக் குடிச்சுப் பைத்தியம் முத்தியில்ல செத்துச்சு. அது பூடுச்சு. நாங்கதான் நெதம் சாவறோம்…” தாங்க மாட்டாமல் அழுகிறார். பெரிய பொண்ணும் சேர்ந்து அழுகிறது.
நான்கு ஆண்டுக்கு முன்பு பார்த்தது. குழந்தைகள் வளர்ந்திருந்தார்கள். பெரியவள் கமலி, ஒன்பதாவது படிக்கிறாள். அடுத்தவள் தமிழ் அழகி, ஆறாவது படிக்கிறாள். மூன்றாமவள் கனிமொழி, இரண்டாம் வகுப்பு. கடைக்குட்டி விசாலாட்சி பால்வாடிக்குச் செல்கிறாள். குழந்தைகளுக்கு அழகான பெயர் களை வைத்திருக்கிறார் தாஸ்.
தாஸுக்குச் சுமார் ஐந்து ஆண்டுகளாகத் தொடர்ந்த குடிப் பழக்கம் இருந்தது. கடைசி இரு ஆண்டுகள் அவர் மிகவும் முற்றிய குடிநோயாளியாகவும் மனநோயாளியாகவும் ஆகிவிட்டார். அவருக்கு ‘ஆடிட்டரி ஹாலுசினேஷன்’முற்றிய நிலையில் இருந்தது. இல்லாத ஒன்றை இருப்பதுபோல உணர்ந்தால், அது ஹாலுசினேஷன். சுருக்கமாக மனப்பிராந்தி!
குடிநோய் மூலம் ஏற்படும் மனநோய்களில் ஒன்று. கேட்காத ஒன்றைக் கேட்பதுபோல உணர்ந்தால், அது ஆடிட்டரி ஹாலுசினேஷன். இல்லாத காட்சிகள் கண் முன் விரிந்தால், அது விஷுவல் ஹாலுசினேஷன். சம்பந்தமே இல்லாமல் வாசனையோ துர்நாற்றமோ அடிப்பதாக உணர்ந்தால், அது ‘ஆல்ஃபேக்டரி ஹாலுசினேஷன்’. இல்லாத ஒருவர் தன்னைத் தொடுவதுபோல உணர்ந்தால், அது ‘டேக்டைல் ஹாலுசினேஷன்’. சுவைக்காத ஒன்றை சுவைப்பதுபோல் உணர்ந்தால், அது ‘கஸ்டேட்டரி ஹாலுசினேஷன்’.
கமாண்டிங் ஹாலுசினேஷன்
இவற்றில் உட்பிரிவுகளும் உண்டு. தாஸுக்கு இருந்தது கமாண்டிங் ஆடிட்டரி ஹாலுசினேஷன். சரியான சர்வாதிகாரி அது. காதுக்குள் கடுமையாகக் கட்டளையிடும். அவை பெரும்பாலும் எதிர்மறையானவையாக இருக்கும். “சனியனே, நீ எல்லாம் எதுக்கு உயிரோட இருக்க? போய்ச் சாவு. தண்டவாளத்துல தலையைக் கொடு. தலை நசுங்கி மூளை சிதறணும்...” என்று கத்தும். மிகைப்படுத்தவில்லை; பயமுறுத்தவில்லை; மருத்துவம் சொல்லும் உண்மை இது.
“பொதுவாகவே தைமன் எனப்படும் வைட்டமின் பி-1 குறைவதால் ஏற்படும் அடிப்படைப் பிரச்சினைகளே மேற்கண்ட நோய்கள். மூளை நரம்புகள் செயல்பட அடிப்படைத் தேவை இந்த வைட்டமின்களே. மது அந்த வைட்டமின்களை வெகுவாகக் குறைத்துவிடுகிறது. மூளை சிந்திக்கும் திறன் இழக்கிறது. அப்போது நடப்பவற்றை உணர இயலாமல், இல்லாத ஒன்றை இருப்பதாகத் தானாகப் பதிவுசெய்கிறது மூளை. ஒருவரின் வாழ்க்கைச் சூழலைப் பொறுத்து ஹாலுசினேஷனின் வகை மாறுபடலாம். ஆனால், அவை பெரும்பாலும் எதிர்மறை எண்ணங்கள் கொண்டதாகவே அமையும். இதில் நரம்பியல் சங்கதிகள் நிறைய இருக்கின்றன” என்கிறார் மனநல மருத்துவர் மோகன வெங்கடாசலபதி.
நாசமாப்போன டாஸ்மாக்
தாஸுக்குக் குடிநோயும் மனநோயும் முற்றிய நிலையில், சில நாட்களாக வீட்டிலேயே வைத்திருந்தார்கள். காலையில் கண் விழித்ததும் அவருக்கு ஆஃப் பாட்டில் மது முழுதாக வேண்டும். காலையில் குடிக்கவில்லை என்றால், கமாண்டிங் ஆடிட்டரி ஹாலுசினேஷன் கட்டளையிட ஆரம்பித்துவிடும். தினமும் 200 ரூபாய் கொடுத்து மது வாங்க என்ன செய்வார் புஷ்பா? வேறு வழியில்லாமல் வீட்டில் பூட்டிவைத்திருந்தார். இரண்டு நாட்களாக “கதவைத் தொறடி. நான் சாகணும். அவன் திட்டறான். கதவைத் தொறடி...” என்று கத்திக்கொண்டிருந்தவர், மூன்றாம் நாள் அதிகாலையில் கதவை உடைத்துக்கொண்டு ஓடிப்போய் கூவத்தில் குதித்துத் தற்கொலை செய்துகொண்டார். 14 வயதில் தொடங்கிய புஷ்பாவின் திருமண வாழ்க்கை, அவரது 27 வயதிலேயே முடிவுக்கு வந்துவிட்டது. ‘விதி’ என்கிறார் புஷ்பா.
இப்போது பிழைப்புக்கு என்ன செய்கிறார் புஷ்பா?
“மூணு வீடுகளுக்கு வேலைக்குப் போறன் சார். மூவாயிரம் ரூவா வருது. புள்ளைங்களைப் படிக்க வெச்சிரணும்னு வைராக்கியமா இருக்கேன். சார், ஒரு வீட்டுக்கு மட்டும் எதானா உதவி செய்யுங்க. மூத்தவ வயசுக்கு வந்துட்டா. புள்ளையால, வாசல்ல வெச்சுக் குளிக்க முடியலை” - அதற்கு மேல் அவரால் பேச முடியவில்லை. வாயைப் பொத்திக்கொள்கிறார்.
இப்படி ஒரு தாஸ் மட்டும் அல்ல, ஆயிரக் கணக்கில் செத்துக்கொண்டிருக்கிறார்கள். நான் சொல்வதில் சந்தேகம் இருந்தால், ஒரு எட்டு நாலைந்து டாஸ்மாக் கடைகளுக்குச் சென்று பாருங்கள். தனியாக யாரையோ திட்டிக்கொண்டும் பேசிக்கொண்டும் நின்றிருப்பார்கள் அநேக தாஸ்கள், நாளைய அனாதைப் பிணங்கள்!

ஆர்.கே.நாராயணன் 

இந்திய ஆங்கில இலக்கியத்தை மக்களிடம் கொண்டு சேர்த்த ஆர்.கே.நாராயணின் பிறந்தநாள் இன்று. (09.10.2014) அவரைப் பற்றிய அரிய முத்துக்கள் பத்து...
• ராசிபுரம் கிருஷ்ணசாமி நாராயண், சென்னை புரசைவாக்கத்தில் பிறந்தவர். அப்பா பள்ளி ஆசிரியர். அவர் வேலை பார்த்து வந்த பள்ளியிலே நாராயண் படித்தார். இளம் பிராயத்தில் பெரும்பாலும் பாட்டியிடமே வளர்ந்தார்.
• கல்லூரி இளங்கலை நுழைவுத் தேர்வில் இருமுறை தோல்வி. அதில் ஒரு முறை ஆங்கிலத்தில் என்பதுதான் ஆச்சரியம். ஆசிரியர் வேலை சலித்துப்போக அப்போது பேனாவுடன் அமர்ந்தவரிடம் உருவானதுதான் ‘மால்குடி டேஸ்’.
• கோவையில் சகோதரியின் வீட்டிலிருந்தபோது கிணற்றில் தண்ணீர் எடுக்க வந்த ராஜம் மீது காதல் கொண்டார். முதலில் அவரது தந்தையை நட்பு பிடித்தவர், பின்பு ராஜத்தை திருமணம் செய்து கொண்டார்.
• ‘தி இந்து’விலும் ஆனந்த விகடனில் இருந்து வெளிவந்த ‘The merry’ இதழிலும் எழுதி வந்தார். அவரின் முதல் கதை வேர்க்கடலை உண்ண பாக்கெட் மணி இல்லாமல் அலையும் சிறுவனைப் பற்றியது. அக்கதைக்கு அவர் பெற்ற சன்மானம் 10 ரூபாய்.
• வருமானம் பெரிதாக இல்லாமல் இருந்த சூழலில் அவரின் ‘ஸ்வாமி அண்ட் ஃப்ரண்ட்ஸ்’ நாவல் ஆக்ஸ்போர்டில் படித்துக்கொண்டிருந்த அவரின் நண்பன் கிட்டு பூர்ணாவின் மூலம் பிரபல எழுத்தாளர் கிரஹாம் க்ரீன் வசம் போனது. அவர் அதை ஹாமிஷ் ஹாமில்டன் பதிப்பகத்தில் வெளியிட செய்தார். எளிமையான ஆங்கில நடை, சமூகத்தின் மீதான இயல்பான பார்வை இவையே அவரது எழுத்து நடை. “ஆர்.கே-வின் மால்குடி நகரில் எந்த நிகழ்வும் அர்த்தமில்லாமல் நிகழாது. அங்கே எந்தத் துயரத்துக்கும் விடிவு இல்லாமல் போகாது” என்பார் அமிதவ் கோஷ்.
• வீணை வாசிப்பில் ஆர்வம் கொண்டவர். மகாபாரதம், ராமாயணம் ஆகியவற்றை ஆங்கிலத்தில் சுருக்கமாக எழுதியிருக்கிறார். அவரின் அமெரிக்க அனுபவங்களை ‘My Dateless Diary' என்றும், நினைவலைகளை ‘My Days' என்றும் பதிவு செய்துள்ளார்.
• ‘மால்குடி டேஸ்’ கதைகள் ஷங்கர் நாக் என்பவரால் தொலைக்காட்சி தொடர் ஆக்கப்பட்டது. தேவ் ஆனந்தின் நவ்கேதன் தயாரிப்பு நிறுவனம் ‘தி கைட்’ நாவலை ஹிந்தியில் படமாக எடுத்தது.
• அவரை ஆங்கில அறிவுலகுக்கு அறிமுகப்படுத்திய கிரஹாம் க்ரீன் இப்படி அவரின் எழுத்தைப்பற்றிச் சொன்னார்: “அவரின் படைப்புகள் அவரின் சொந்த பிராந்திய அனுபவத்தில் இருந்து வருபவை. அதனால் அவர் ஆங்கிலத்தில் எழுதினாலும் அது அமைதியான,தெளிவாக அமைந்தது. அந்த ஆங்கில நடை தமிழோடு மிகவும் நெருக்கமானது!”
• கார்ட்டூனிஸ்ட் லக்ஷ்மண் இவரது இளைய சகோதரர். இருவருக்கும் 18 வருடங்கள் இடைவெளி. ராஜ்ய சபா எம்.பி.யாகவும் இருந்திருக்கும் நாராயண் எல்லோரையும் சமமாக நடத்தும் பண்பு கொண்டவர். அவரது எழுத்துப் பயணமும் அரை நூற்றாண்டைக் கடந்தது!